1984  er umhverfisvænt hýsingarfyrirtæki

Frumkvöðlar í eðlilegri verðlagningu á vefhýsingu

Rafmagnsbilun

Þjónusta okkar lá niðri um stutta stund 11. júlí 2019. Um var að ræða rafmagnsbilun hjá þjónustu aðila okkar sem stóð yfir á milli klukkan 18-19 sem hafði það áhrif á búnað okkar og þjónustu til viðskiptavina. Þjónustan komst upp aftur fljótt og hefur allt verið í prýðilegu standi síðan kl. 18:50 í gær. Við biðjumst velvirðingar af þeim óþægindum sem þessi truflun kann að hafa valdið viðskiptavinum okkar.

Vefpóstur vanstilling

Hér með tilkynnist um kerfisatvik er varði tímabilið 11. apríl til kl 10.04 þann 28 maí 2019. Um var að ræða óvenjulega sjálfgefna stillingu á nýju vefpóstviðmóti sem varð til þess að í sumum tilvikum vistaðist ekki tölvupóstur sem sendur var úr viðmótinu í "Sent" möppu notandans eins og hefð er fyrir.

Þessi stilling uppgötvaðist seint síðdegis þann 27. maí og lauk viðgerð kl. 10.04 daginn eftir, þann 28. maí. Þessi stilling kann að hafa haft áhrif á vistun útsendra pósta þeirra póstnotenda sem notuðu vefpóstviðmót sem merkt var "Try the new beta Roundcube!" á vefpóstsíðu 1984 frá 11. apríl til þess 24. maí og þeirra sem notuðu sjálfgefið vefpóstviðmót frá 24. maí til kl. 10.04 þann 28. maí.

Kerfisrekstrarteymi 1984

Kerfisviðhald

Á morgun, fimmtudaginn 23. maí 2019 milli 10.00 og 12.00 verður unnin skyndiviðhaldsaðgerð á netbúnaði í gagnaveri sem hýsir takmarkaða þjónustu 1984. Ef þú ert í þeirri þjónustu barst þér tölvupóstur í dag Ekki er gert ráð fyrir að aðgerðin hafi nein áhrif á þjónustuna, en þessi tilkynning er send til að tilkynna um aðgerðina ef svo ólíklega vill til að eitthvað fari úrskeiðis við aðgerðina.

Kerfisrekstrarteymi 1984 ehf

Varnarstjórnun

1984 tekur öryggi alvarlega og það sama á við skyldur fyrirtækisins til upplýsingargjafar til viðskiptavina þess.

Fimmtudaginn 18. april 2019 bárust upplýsingar til fyrirtækisins um mögulegan öryggisbrest af öryggisrannsakanda. Bresturinn varðar óviljandi birtingu skráa sem innihald persónugreinanleg gögn, í þessu tilfelli netföng og IP adressur. Ekki er um að ræða birtingu af lykilorðum né viðkvæmum persónugreinanlegum gögnum.

1984 brást við eins fljótt og auðið var og tryggði öryggi áðurnefndra gagna innan við 20 mínútum eftir að okkur bárust upplýsingar um birtinguna.

Samkvæmt mati 1984 hefur bresturinn engin áhrif á viðskiptavini okkar og öryggi persónuupplýsinga þeirra hefur á engan hátt verið stefnt í hættu. Því þurfa viðskiptavinir okkar ekki að grípa til neinna ráðstafana.

Í kjölfarið hefur 1984 farið í gegnum öryggisferla sína til að meta áhrif og fann að í þeim skrám sem fyrirtækið hefur aðgengi að hafi engin fengið eða verið með aðgengi að þeim. Við höldum áfram að vinna í þessu máli og munum uppfæra þessa tilkynningu ef við finnum upplýsingar sem
hafa áhrif á þetta mat okkar.

Okkur þykir afar leitt að þetta hafi gerst en hughreystum okkur við að okkar öryggisrástafarnir og viðbragðaráætlarnir virka sem skyldi og höldum áfram að meta og trygga öryggi okkar starfsemi til að bjóða upp á eins öruggt hýsingarumhverfi og mögulegt fyrir okkar viðskiptavini.

Ef þú hefur spurningar, hafðu endilega samband við okkur á GDPR(@)1984.is

- Starfsfolk @ 1984